صلصة لحمة مفرومة جنان
المقادير :
500 جرام لحمة مفروم _ 2 بصلة متوسطة متقطعة قطع صغيرة _ 4 ملاعق كبيرة صلصة جنان _ ملعقة صغيرة روزماري _ ملح وفلفل حسب الرغبة _ ملعقة صغيرة بهارات لحم _ 2 جزرة مبشورة _ ملعقة كبيرة زيت
طريقة التحضير :
- في طاسه علي النار اول متسخن ضيفي الزيت والبصل وقلبي لحد ميدبل ، وبعدين ضيفي اللحمة المفروم والفلفل الأسود ووسيبيهم لحد ملون اللحم يتحول بني
- وبعدين ضيفي صلصة الطماطم وقلبي كويس وسيبيهم 3 دقائق لحد ماللحمه تندمج مع الصلصة
- ضيفي الجزر والبهارات والروزماري والملح وقلبي كويس لحد ميغلوا وبعدين غطي الطاسه وسيبيهم على نار هادية لمدة 20 دقيقة لحد ميستوا
- وكدا بقي جاهز معاكي صلصة لحمة مفرومة بأحلى طعم وأسهل طريقة
خلطبيطة بالصلصة بصلصة كوجو
المقادير:
3 طماطم شرائح _ 2 طماطم مكعبات_ ٣ كوسه شرائح _ ٢ بتنجان شرائح _ بصله كبيرة _ 2 فلفل رومي _ ٥ فصوص توم _ روزماري _ ملح وفلفل _ كوبايه صلصه كوجو _ بقدونس مفروم _ زيت
طريقة التحضير :
- اول حاجه في كبه الخلاط نحط الفلفل الرومي وبصلايه كبيره و التوم وطماطم متقطعه و صلصه الطماطم والملح والفلفل والزيت والروزماري والبقدونس ونضربهم في الكبه لحد ميبقوا عباره عن صوص
- في الصنيه اللي هتعملي فيها ضيفي 3/4 الصوص يبقي عباره عن اول طبقه ووزعيه كويس
- رصي البتنجان و الطماطم و الكوسه ورا بعض بنفس طريقه الصوره فوق الصوص ورشي ملح وفلفل وزيت علي الوش وبعدين افردي باقي الصوص علي الوش ودخليهم الفرن لمده نص ساعه
- وكدا بقي جاهز معاكي خلطبيطة بالصلصة بأحلى طعم وأسهل طريقه
باستا بينك صوص بصلصة جنان
المقادير:
3 معالق زيت نباتي – بصلة مفرومة – 2 فص ثوم مفروم – ملح – فلفل أسود – معلقتين صلصة جنان – علبه كريمة طبخ – 500 جرام معكرونة – جبن موزاريلا مبشور
طريقة التحضير :
- اول حاجه اسلقي المكرونه وبعد متسلقيها صفيها وسيبي مايه السلق علي جنب
- في حله علي النار سخني الزيت وضيفي عليه البصل و التوم والملح و الفلفل ولما يدبلوا ضيفي معلقتين صلصه جنان و كبايه الا ربع من مايه سلق المكرونه وسبيهم يغلوا سوا
- ضيفي الكريمه و قلبيهم كويس و بعدين المكرونه و الجبنة و قلبيهم
- وكدا بقي جاهز معاكي باستا بينك صوص بأحلى طعم وأسهل طريقة
كفتة داوود باشا بصلصة كوجو
المقادير :
500جرام من اللحم المفروم _ 500 جرام من عصير الطماطم _ 3ملعقة كبيرة من صلصة كوجو _ 2 بصلة مبشورة _ 5 فصوص ثوم مفرومة _ 1 ملعقة من ملح الطعام _1 ملعقة متوسطة من الفلفل الأسود _ 1ملعقة صغيرة من النعناع المجفف _ نصف ملعقة صغيرة من القرفة الناعمة _ 2ملعقة كبيرة من البقسماط الناعم او الرز المطحون _ ربع كوب من الزيت النباتي
طريقه التحضير :
- في وعاء كبير ضيفي اللحمة المفرومة عليها نصف كمية البصل المبشور والملح والفلفل والقرفه وقلبي كويس لحد ميختلطوا سوا وبعدين ضيفي البقسماط او الرز وقلبيهم
- شكلي اللحمة إلى كرات متوسطة ومتساوية عشان تاخد نفس وقت السوا
- طاسه علي النار حطي فيها زيت واول متسخن ضيفي كرات اللحمة وحمريها براحه لحد متاخد لون بني وشيليها من علي النار
- وفي نفس الطاسه ضيفي البصل المبشور وقلبيه لمدة دقيقتين لحد ميدبل، وبعدين ضيفي الثوم المفروم.
- ضيفي عصير الطماطم بالإضافة إلى معجون الصلصة وقلبي لمدة دقيقتين.
- ضيفي كرات اللحم على الصلصة و شويه من الماء المغلي، وباقي كمية الملح والفلفل والنعناع المجفف، وسيبيها على نار متوسطة لمدة 15 دقيقة لحد متكمل سواها
- وكدا بقي جاهز معاكي كفته داود باشا بأحلي طعم وأسهل طريقة
صنية بطاطس بالفراخ بصلصة جنان
المقادير :
فرخه متقطعه ٨ قطع _ كيلو بطاطس شرايح _ معلقه صغيره توم شرايح _ 2 بصله متقطعه شرايح _ كوبايه عصير طماطم _ معلقتين صلصه جنان _ نص معلقه صغيره سكر _ نص معلقه صغيره كمون _ ملح وفلفل اسود
طريقه التحضير
- اول حاجه نجيب بوله نحط فيها البصل وكل البهارات اللي معانا وادعكهم في بعض
- نحط الفراخ مع البصل ومقلبهم سوا
- صنيه علي النار نحط فيها معلقتين زيت واول متسخن ننزل فيها الفراخ والبصل ونغطيهم لحد ميستوا نص سوا واقلبهم كل شويه
- ضيفي الطماطم والصلصه علي الفراخ ورشه السكر وازود حوالي كبايتين مايه مغليه واسيبهم يغلوا سوا
- جيبي صنيه افردي فيها البطاطس والفراخ علي الوش وانزل كل الصوص عليهم واغطيهم ب فويل وادخلهم الفرن علي درجه حراره ٢٢٠ لمده مص ساعه
- بعد كدا اشيل الفويل و احطها تحت الشوايه لحد موشها ياخد اللون اللي تحبيه
- وكدا بقي جاهز معاكي صنيه بطاطس بالفراخ بأحلي طعم وأسهل طريقه
لازانيا بصلصة كوجو
المقادير :
نص كيلو لحمة مفرومة _ مكرونه لازانيا _ نص كيلو طماطم مفرومه _ ٢ معلقة كبيرة صلصة كوجو _ ٢ بصل مفروم _ ٢ فص توم مفروم _ معلقة صغيره ٧ بهارات _ معلقة كبيرة زعتر جاف _ ٣ كوب جبنة ميكس _ ملح وفلفل
مقادير : صوص البشاميل
٤ معالق زبدة _ ٤ معالق دقيق _ لتر ونص لبن _ نص لتر كريمه طهي _ ٢ مكعب مرقه _ ملح وفلفل
طريقة التحضير :
- اول حاجه هنعصج اللحمه في طاسه علي النار ضيفي معلقه زيت و معلقتين زبدة وضيفي البصل و٧ بهارات وقلبي كويس وبعدين ضيفي التوم عليهم اول ميتبل ونزلي اللحمه عليهم وقلبيهم وسبيهم لحد ميستوا سوا
- اول ماللحمه تشرب كل السوايل ضيفي الطماطم و معلقتين الصلصة والملح والفلفل والزعتر وسبيهم يتسبكوا سوا
- تاني حاجه جهزي صوص البشاميل يفضل يكون خفيف
- حله علي النار ضيفي الزبده و عليها الدقيق و شوحيهم كويس وضيفي اللبن عليهم حبه حبه وقلبي كويس عشان ميكتلش
- ضيفي المرقه والملح والفلفل والكريمة عشان تظبط الطعم والقوام
- جهزي القالب اللي هتعملي فيه اللازانيا وضيفي اول حاجه طبقه بشاميل وفوقيها طبقه لحمة و بعدين افردي طبقه من اللازانيا وعليها طبقه بشاميل وبعدين لحمة وكرري نفس الخطوات لحد متكملي القالب واخر طبقه تكون اللازانيا وفوقيها البشاميل وسبيهم ربع ساعه
- وبعدين دخليها الفرن علي درجه حراره ٢٠٠ لحد متاخد لون دهبي طلعيها وضيفي الجبن علي الوش ورجعيها تاني تكمل سواها والجبنه تسيح
- وكدا بقي جاهز معاهي اسهل طريقه لازانيا بألذ طعم
مسقعة بصلصه جنان
المقادير :
ربع كيلو لحمه مفرومه _ كيلو باذنجان مقلي متقطع بالطول _ بصله كبيره متقطعه صغير _ 2 فلفل رومي شرائح _ 1 فلفل حار حسب الرغبه _ معلقه كبيره توم مفروم _ كبايه عصير طماطم _ 3 معالق صلصه جنان _ رشه شكر _ معلقه صغيره كمون _ ملح _ فلفل
طريقة التحضير :
- طاسه علي النار حطي معلقتين زيت واول ميسخن انزلي بالبصل والتوم و البهارات وقلبيهم كويس وبعدين ضيفي اللحمه و قلبي لحد ملونهم يغير و ريحتهم تظهر
- ضيفي كبايه الطماطم و الصلصه ورشه السكر و الملح وسبيهم لحد ميتسبكوا
- طاجن مدهون زيت رصي فيه نص كميه البتنجان والفلفل
- ضيفي الصلصه باللحمه بعد متتسبك علي اول طبقه بتنجان و بعدين رصي باقي البتنجان والفلفل و ضيفي باقي الصلصه علي الوش
- ودخليهم الفرن لمده تلت ساعه
- وكدا هيبقي جاهز معاكي طاجن مسقعه بأحلي طعم وأسهل طريقه
صوص البيتزا بصلصة كوجو
المقادير :
٣ معالق كبار من معجون الطماطم كوجو _ ٣ معالق زيت زيتون _ فصان توم مفروم _ معلقه صغيره ريحان _ نص معلقه صغيره ملح _ نص معلقه صغيره فلفل اسود _ نص معلقه صغيره زعتر
طريقه التحضير :
- حله علي النار ضيفي فيها الزيت و التوم وبعدين معجون الطماطم وقلبيهم كويس لحد مريحتهم تظهر
- ضيفي كل التوابل وقلبي كويس لحد ميتخلط كله مع بعض
- ضيفي نص كبايه مايه او لحد متوصلي للقوام اللي تحبيه للصلصه بس يفضل تكون متماسكه مش سايله وقلبي كويس لحد ميكون جاهز معاكي
- احلي صلصه بيتزا بأسهل طريقه و الذ طعم
طاجن باميه باللحمة بصلصة جنان
المقادير :
نص كيلو باميه صغيره – نص كيلو لحمه مكعبات – معلقه كبيره ثوم مفروم – بصله كبيره متقطعه صغير – 1 فلفل ار حسب الرغبه – معلقتين كبار صلصه جنان – كوبايتين عصير طماطم – مكعب مرقه – معلقه كبيره سمنه – رشه سكر – رشه سبع بهارات – معلقه صغيره كزبره جافه – ملح و فلفل اسود
طريقه التحضير:
- حله علي النار حطي السمنه و ضيفي البصل وشوحيهم لحد ملونهم يبقي دهبي
- ضيفي عصير الطماطم و معلقتين صلصه جنان وقلبيهم كويس وحطي الباميه واللحمه معاهم قبل ميغلوا
- ضيقي الثوم المفروم عليهم و رشه سكر و مكعب المرقه والكزبره و البهارات و الملح والفلفل حسب الرغبه وسيبيهم يلغوا مع بعض وقلبيهم كل شويه
- بعد متستوي الباميه انقليها في طاجن وضيفلها الفلفل الحار حسب الرغبه وباقي كميه السمنه افرديها علي الوش و دخليها لده تلت ساعه
- وكدا بقي جاهز معاكي احلي طاجن باميه باللحمه بأسهل طريقه و ألذ طعم
مكرونة بصلصة كوجو
المقادير :
مكرونه – صلصة – زيت – سكر – ملح وفلفل – شطه وزعتر حسب الرغبة
طريقه التحضير :
- اول حاجه اغلي مايه علي النار وضيفي كميه المكرونة المناسبة ليكي و عليها معلقه ملح و خرجيها قبل ميكمل سواها ب 5 دقايق وسيبي كبايه من مايه سلق المكرونه علي جنب
- حله علي النار ضيفي 3 معالق زيت ومعلقتين صلصة كوجو لكل 100 جرام مكرونه وقلبيهم كويس لحد ميندمجوا سوا وريحتهم تظهر
- ضيفي رشه سكر و نص معلقه صغيره ملح و زيها فلفل اسود و شطه و زعتر حسب الرغبه وقلبيهم كويس
- ضيفي كبايه مايه سلق المكرونه وقلبي كويس و زودي مايه عاديه لو حبيتي تخفي الصوص اكتر
- ضيفي المكرونه للصوص و سبيهم يكملوا سواهم مع بعض
- وكدا بقي جاهز معاكي أحلي مكرونه بالصلصة بأسهل طريقه وألذ طعم